НүүрАНАЛИЗМЭДЭЭЯРИЛЦЛАГАШАР МЭДЭЭВИДЕОФАКТЧЕКENGLISH中文РУССКИЙ

Холбоосууд

  • Редакцийн баримтлах зарчим
  • Холбоо барих
© 2025 Mono.mn. Зохиогчийн эрх хуулиар хамгаалагдсан. Сайт хөгжүүлэлт:Emerald Software LLC
Төсөв: 30 тэрбум төгрөгөөр Соёлын төв барина
АНАЛИЗ

Төсөв: 30 тэрбум төгрөгөөр Соёлын төв барина

2026 оны 10-р сарын 29
Mono.mn

Mono.mn

Мэдээний нийтлэгч

УИХ-аар 2027 оны улсын төсвийн төслийн гурав дахь хэлэлцүүлэг ид өрнөж байна. Жилийн жилд улсын төсөв тойрсон хэрүүл, маргаан гаргадаг. Энэ жилийн хувьд Оюутолгойн ногдол ашиг тойрсон хэрүүл гол сэдэв байв. Алаагүй баавгайн арьсан дээр зодолдсон талцлыг нь намжааж, Засгийн газраас Баялгийн сангийн хуулийн дагуу ашиглахаар болсон нь энэ сэдвийг хаахад хүрсэн.

Ирэх жилийн буюу Монгол Улсын 2027 оны төсвийг 2.3 их наядын алдагдалтайгаар боловсруулж  Сангийн яам оруулж ирсэн. Гадаад, дотоодын улс төрөөс шалтгаалж эдийн засаг хүндэрч, иргэдийн ашиг орлого муудсан. Мах, шатахуун, гурил будааны үнэ өсч иргэдийн худалдан авах чадвар ч муудсан. Засгийн газар нэг амаараа хэмнэлтийн бодлогоо танилцуулж, нөгөө гараараа төсвийг тэлж, элдвийн барилга байшинд хөрөнгө зарцуулж буйд иргэд ч шүүмжлэлтэй хандах болсон.

Тухайлбал, ирэх онд улсын төсвийн 30 тэрбум төгрөгөөр сум орон нутагт Соёлын төв барихаар төлөвлөжээ. Харин хэрэгжилт удаан гэх шалтгаанаар 11 сургууль, цэцэрлэгийн 12 тэрбум төгрөгийн санхүүжилтийг танажээ. Энэ мэтчилэн эдийн засаг хүндэрсэн энэ үед нэн шаардлагагүй Соёлын төвд 30 тэрбум төгрөгийн төсөв хуваарилж буй нь үрэлгэн бодлого болно.

Жил бүрийн улсын төсөв дээр сум, орон нутгийн Соёлын төвийг барих зардлыг тусгаж ирсэн. Сургууль, цэцэрлэгийг ч томруулж ирсэн. Гэсэн хэдий ч сум орон нутагт амьдарч буй иргэдийн тоо улам л цөөрч буй. Үндсэндээ сум орон нутагт Соёлын төвөөс  илүү ажлын байр нэн шаардлагатай байгаа.

Соёлын төвүүд ашиглалтад ороход урсгал зардал нэмэгдэнэ. Ахиад л төсөвт дарамт үүснэ. Гадаад геополитик, дотоодын улс төрийн буруу шийдлээс болж төсвийн мөнгө үр ашиггүй урссаар. Жишээ нь, Монгол Улс 14, Улаанбаатар хот 24 мега төслийг хэрэгжүүлнэ гэж улсын болон нийслэлийн төсвөөс багагүй мөнгө үрсэн. Үүний эффектийг өнөөдөр улстөрчид биш энгийн иргэд үүрч байна. Эдийн засгийн нарийвчилсан тооцоолол, үр ашгийн судалгаа дутмаг, улс төрийн лоббид автсан төсөлд хөтөлбөр, барилга байшинд төсвийг зарцуулах нь эргээд эдийн засгийн хямрал болж иргэдийн нуруун дээр буудаг. Импортын шок эдийн засагт багагүй эффект үзүүлж байхад дотооддоо төсвийг шаардлагагүй зардлаар тэлэх, санхүүгийн сахилга батыг алдагдуулах нь инфляцыг улам хөөрөгдөж, төгрөгийн худалдан авах чадварыг сулруулдаг. Тэр хэрээр ажилгүйдэл, ядуурал нэмэгддэг.

Сүүлийн өдрүүдэд Хятадын талаас тодорхойгүй шалтгаанаар Монголын зэс, нүүрсний экспортыг хязгаарласан. Зэс, нүүрсний экспорт хязгаарлалтад орно гэдэг Монгол Улсад орж ирэх мөнгө багасна гэсэн үг. Ийм байтал сум, орон нутгийн Соёлын төв гэсэн нэн шаардлагагүй бүтээн байгуулалтаа цуцлах нь жинхэнээсээ хэмнэлтийн бодлого болох юм.

 
Mono.mn

Mono.mn

Мэдээний нийтлэгч

 
FacebookX.com

Сэтгэгдэл бичих

Хүндэтгэлтэй, соёлтой хэлж бичихийг хүсье. Сэтгэгдлийг нийтлэлийг уншигчид шууд харна.

Илгээснээс хойш таны сэтгэгдэл шууд нийтлэгдэнэ. Зөрчилтэй контент илэрвэл устгана.

Сэтгэгдлүүд (0)

Одоогоор сэтгэгдэл байхгүй байна. Та хамгийн түрүүнд сэтгэгдэл үлдээнэ үү.

Холбоотой мэдээ

Н.Учралын нэг сумаар буудах ХОЁР ТУУЛАЙ!

Н.Учралын нэг сумаар буудах ХОЁР ТУУЛАЙ!

Ерөнхийлөгч У.Хүрэлсүхийн Мягмар гаригт хийсэн, албан тушаалаасаа өөрийн хүсэлтээр огцорч, нэр төрөө сэргээлгэх мэдэгдлийн араас Ерөнхий сайд Н.Учрал өнөөдөр (2026.11.18) хэвлэлийнхэнд мэдээлэл хийлээ. Түүний мэдээллийг товч тоймловол “Гашуунсухайтын төмөр зам, "Бодь" группийн оффтейк гэрээтэй нэр нь холбогдсон, тухайн үед ҮАБЗ-д ажиллаж байсан төрийн өндөр албан тушаалтнууд, улстөрчид бүгд шалгуулах ёстой. УИХ-ын халдашгүй байдлын ард нуугдах ёсгүй. Төгрөг нуурын ордыг $250 саяар зарсан асуудлаар хуулийнханд ахин хандана. Мөн тэдэнд хугацаатай үүрэг өгнө. Гашуунсухайтын төмөр замын төсөл болон МАН-даа ч хөндлөнгийн аудит оруулна” гэсэн нь нэг талаас улс төрийн цэвэрлэгээгээ эхлүүлж буй хүний үг байв. Нөгөө талаар улсаа авлигаас чөлөөлж чадах уу гэсэн асуулт үлдээв. Улс төрөө ч, улсаа ч цэвэрлэж чадвал Н.Учралын ирээдүйн карьерт хэрэгтэй.

Nov 18, 2026

Монголбанкны алдагдал ба юанийн свопын өртөг

Монголбанкны алдагдал ба юанийн свопын өртөг

У.Хүрэлсүх нэр төрөө сэргээлгэнэ гэлээ, Х.Нямбаатар аа, гэмт хэргээ шалгуул!

У.Хүрэлсүх нэр төрөө сэргээлгэнэ гэлээ, Х.Нямбаатар аа, гэмт хэргээ шалгуул!

Ерөнхийлөгчийн сонгууль ирэх оны 6-р сард биш 3-р сард болж наашлав!

Ерөнхийлөгчийн сонгууль ирэх оны 6-р сард биш 3-р сард болж наашлав!