“Рио Тинто”-гийн сценариар Засгийн газрыг огцруулах гэж байна

Ерөнхий сайд Г.Занданшатар өнгөрсөн нэгдүгээр сард “Рио Тинто”-гийн удирдлагуудад захидал илгээж, Оюу толгой төсөлд Монголын талын эрх ашгийг хангуулах байр сууриа илэрхийлсэн. Мөн тэрбээр гурван долоо хоногийн өмнө Риогийн удридлагуудыг урдаа суулгаж байгаад энэ байр суурь дээрээ хатуу зогсоно гэдгээ мэдэгдэж, дэлхийд дөрөвдүгээрт ордог энэ том төслийн үр өгөөжийн 60-аас доошгүй хувийг Монгол Улсад ногддог болгох, 2026 онд багтаан ногдол ашиг хуваарилах зэрэг эрс шийдэмгий шаардлага тавьсан. Аяганы хариу өдөртөө, агтны хариу жилдээ гэдэг бол Риогийн хариу сардаа ажээ. Тэд арваадхан хоногийн дараа Г.Занданшатарын шаардлагын хариуг барив.

Хаврын чуулганы нээлт дээр АН-ын бүлэг УИХ-ын дарга Н.Учралыг ажлаа өгөхийг шаардаж завсарлага авсан нь Риогоос Монгол Улсын Засгийн газарт өгсөн сануулга байлаа. Үндэснийхээ эрх ашгийг хамгаалж дуугарсан Ерөнхий сайдыг үндэстэн дамнасан группийн захиалгаар огцруулах сценарийг парламент дахь МАНЖ бүлэглэлийнхэн бичжээ. “Рио Тинто”-гоос 20 сая доллар авсан Л.Оюун-Эрдэнийн бүлэглэл, Женкогийн халаасан дахь АН-ынхан нийлээд ийнхүү хонзон, хорслоо тайлж байна. 

Гэхдээ Риогийн үгэнд ороогүй Засгийн газар бүхэн ганхдаг түүх энэ удаа давтагдахгүй л болов уу. Монголын улс төрд мөс хайлж, шинэ цаг үе ирж байгаа.