Морокко эмэгтэй ерөнхий сайдтай болно

Мороккогийн парламентын сонгуульд хаант засаглалыг дэмжигч Үнэн ба орчин үеийн шинэчлэлийн нам  урьдчилсан дүнгээр хамгийн олон суудал авсныг тус улсын Дотоод хэргийн сайд Абделуафи Лафтит пүрэв гаригт мэдээлэв.

Харин RNI 66, Истиклал нам 65, 2021 онд 13 суудал авч байсан төвч үзэлтэй Исламын төв болон хөгжлийн нам энэ удаад 54 суудал авсан байна.

Албан ёсны мэдээллээр сонгогчдын ирц 2021 онд 50 хувь байсан бол энэ удаад 38.02 хувь болж буурчээ:

2011 оны Үндсэн хуулийн дагуу Эзэн хаан VI Мухаммед хамгийн олон суудал авсан намаас Ерөнхий сайдыг томилдог тул PAM нам дараагийн засгийн газрыг тэргүүлэх боломжтой болж байна.

Энэхүү сонгууль нь өнгөрсөн жил Z үеийнхний зохион байгуулсан тэмцлийн дараах анхны сонгууль бөгөөд шинэ засгийн газар ажлын байр, цалин хөлс, амьжиргааны өртөг зэрэг иргэдийн өдөр тутмын тулгамдсан асуудлуудыг шийдвэрлэх үүрэг хүлээж байна.

Морокко улс 2030 оны Хөлбөмбөгийн ДАШТ-ийг хамтран зохион байгуулахаар бэлтгэж буй энэ үед түүнд зориулсан хэдэн тэрбум долларын хөрөнгө оруулалтыг шинэ парламент хянах юм.

Ямар нэгэн нам нь дангаараа олонх болж чадаагүй тул эвслийн засгийн газар байгуулж магадгүй байна. Хааны ордон Батлан хамгаалах болон Гадаад харилцаа зэрэг чухал суудлуудыг уламжлал ёсоор өөрийн хяналтад үлдээдэг.

PAM-ын удирдлагууд RNI-тай дахин хамтрах боломжийг үгүйсгэсэн бөгөөд хоёр нам өнгөрсөн алдаандаа нэг нэгнээ буруутгаж байгаа юм.

PAM нь 1 сая шинэ ажлын байр бий болгох, цалинг нэмэгдүүлэх, эрүүл мэнд болон нийгмийн хамгааллын салбарт үргэлжлүүлэн хөрөнгө оруулалт хийх $37 тэрбумын мөрийн хөтөлбөртэйгөөр сонгуульд оролцжээ.

PAM намаас Ерөнхий сайдад нэр дэвших хамгийн боломжит хүн нь Фатима Эззахра Эль Мансури юм. Түүнийг дэмжсэн нөхцөлд тэрбээр Арабын бүс нутгийн хоёр дахь эмэгтэй Засгийн газрын тэргүүн болох юм.

Арабын бүс нутгийн хоёр дахь эмэгтэй Ерөнхий сайдаар томилогдох өөр нэг боломжит нэр дэвшигч нь сонгуулиас хэдхэн долоо хоногийн өмнө PAM намд элссэн, одоогийн Төсвийн сайд бөгөөд Хөлбөмбөгийн холбооны тэргүүн Фүзи Лекжа юм.