Л.Оюун-Эрдэнийн онцгой ТЭНЭГ ҮГС-I!

Хүний тархины хэмжээ таван үгнээсээ танигддаг гэдэг. Улстөрчдийн үг нь ч, үйлдэл нь ч олны нүдэн дээр байдаг. Тиймээс ч шүүмжлэл багагүй дагуулах нь бий. Эрх чөлөө егөөдлөөс эхэлдэг. Улстөрчдийн хэлсэн эшлэл болон тэнэг үгсийг “Гарц үг”, “Тэнэг үг” зэрэг  буландаа цувралаар хүргэж байх юм. Ингээд Ерөнхий сайд асан Л.Оюун-Эрдэнийн хэлсэн, нийгмийн сүлжээнд багагүй элэглэл, шүүмжлэл дагуулсан үгсийг түүвэрлэн хүргэж байна.

• Хоолны хордлого хөл рүү орсон.

• Авлигатай тэмцэнэ гэдэг анд нөхөртэйгөө тэмцэхийн нэр.

• Ерөнхий сайд болох цаг хугацаагаа сонгодог байсан бол би хэзээ ч энэ цаг хугацааг сонгохгүй.

• Хамгийн азгүй цаг үе энэ Засгийн газарт тохиож байна.

• Мөстэй гөлгөр замд машин бариад, хайртай хүмүүсээ суулгаад, нойрмоглохгүйн тулд залуураа чанга атгаж явсаар гар бадайрдаг тийм мэдрэмж төрж байна.

• Монгол туургатантай холбоотойгоор 400 орчим сая жуулчин ирэх хүчин чадал байна.

• Жуулчид Монголд ирээд вакцинаа үнэгүй хийлгэж болно.Энэ бол жуулчдыг татах сэдэл болно.

• Тамхи татаад гудамжинд хаявал торгуулийг нь 50 сая болгох хэрэгтэй.

• 2024 он хүртэл Холливудын нэг киног Монголдоо хийх зорилго тавья. "Галзуу хурд"-ын нэг анги Монголд хийгдээсэй.

• Netflix-д таваас доошгүй монгол контент байршуулъя.

• Бүх хүнийг нэгдсэн нэг мэдээлэлтэй байлгахын тулд Улаанбаатар хотын 2040 он хүртэлх хөгжлийн ерөнхий төлөвлөгөөг 3D хэлбэрээр кино театрт ч үзэх боломжтой болгоно.

• Монгол Улсад авлигын дагнасан шүүх зайлшгүй шаардлагатай гэж Ерөнхий сайдын хувьд үзэж байна.

• Хүү маань хүнд хайр сэтгэлтэй болж, бөгж бэлэглэсэн нь үнэн байна.

• Бэлэглэсэн бөгж нь 17 сая төгрөг, бугуйвч нь 500 мянган төгрөг  юм билээ.

• Монголчууд дугаргий, бөөрөнхий соёлтой ард түмэн.

• Хоёр бялуу, хоёр шөл уусан.

• Авлигын индекс бол төсөөллийн индекс.

• Гал барьж, томоохон ажлуудыг яах гэж хийв дээ гэж бодогддог юм байна.

• Амарбаясгалангүй Оюун-Эрдэнэ, Оюун-Эрдэнэгүй Амарбаясгалан гэж үгүй.

• Могой жилд худал хуурмаг гуужиж, үнэн бүхэн тодорно гэдэгт итгэж байна.

• Хаа сайгүй л баг хуулагдаж, прагматик чиг хандлага руу дэлхий чиглэж байна.

• Намайг Баттулгатай холбоотой гэдэг домог юм.

• Огцрох амархан, надад албан тушаалтай зууралдаад байгаа юм байхгүй.

• Байгалийн баялгийг хэн ч бүтээж бий болгоогүй. Энэ газар нутгийн маань хөрсөнд байгаа баялаг. Нөгөө талдаа энэ баялгийг хөрөнгө оруулж байж ашиглах нь ойлгомжтой. Энэ хоёр ойлголтын эв нэгдлийн цэг бол Баялгийн сан.

• Би энэ суудалд дуртай, хайртайдаа зууралдаад байгаа юм биш. Засаглалын тогтвортой байдлын төлөө сууж байна.

• Хэн дуртай нь Ерөнхий сайдыг огцруулаад байвал гүйцэтгэх засаглалын хямрал үүснэ.

• Андуураад байна, би албан тушаалтай ч, үгүй ч үзэл санаа үйл хэргээ гүйцээнэ.

• Би сонгодог утга зохиолын мэргэжилтэй.

• Би гурван ном бичнэ. Нэгийг нь Төв номын санд, нэгийг нь Батбаяр багшдаа, нэгийг нь өөртөө авч үлдэнэ.

• Хүүдээ цаг гаргаж чадаагүй нь миний алдаа. Гэхдээ 23 настай хүн гэдэг бол бие даачихсан байдаг нас.

• Хэнд хайр сэтгэлтэй болох, яаж амьдралаа зохиохыг нь би хөндлөнгөөс заагаад байж болохгүй.

• Хэл ам битгий татлаад бай, зөв яваарай гэдгийг би хүүхдүүддээ хэлдэг.

• Олон нийтийн өмнө хүүгээ гаргахгүй байсан нь буруу байв уу гэж харж байгаа.

• Манай аав зураач хүн. Манай хүү энэ авьяасыг нь өвлөсөн.

• Намайг данх, галч гэж нэрлээд Англид амьдардаг мэтээр зохиомол мэдээллүүд хэдэн нөхрөөс л явдаг юм даа.

• Ер нь яах вэ, Эби дарга маань намайг харц, өөрийгөө язгууртан л гэж ойлгуулах гээд байгаа бололтой.

• С.Зоригийг хөнөөсөн хэргийн мөрдлөг маш олон хүний амьдралын цаг хугацааг бүхэлд нь сүйрүүлсэн. Би торлогдчихсон зүрхийг чөлөөлөхийг л хүссэн юм.

• Манай гэр бүл Лондонд амьдардаггүй.

• Ерөнхий сайд хийх нь олон улс, ордон, олон нийт гэсэн гурван динамикийн дундах цэг. Гачлантай нь энэ гурав өөр өөр тийшээ зөрж эргэдэг урвуу хамааралтай.

• Алдаа гаргахаас айх цаг одоо биш. Харин эс үйлдэл хийхээс илүү айх учиртай.

• Ерөнхий сайд бол ерөнхий мишок юм. Хүн бүр л нүддэг. Өөр бас хэнийгээ ч шүүмжлэх билээ.

• Шинэ намын даргаа түүчээ шувуу шиг өдөө сэтлүүлж, салхи сөрөн бусад ШУВУУДАА дулаан оронд аваачихын төлөө хичээнгүйлэн зүтгэхэд нь хамт байх учиртай.

• Би аль хэдийнэ орлогоо нотолчихсон.

• Ерөнхий сайд хүн бол хурал даргалагч.

• Ялаанууд миний итгэл үнэмшил, үзэл санаа, тэмцлийг мөхөөж чадахгүй. Битгий горьд.

Б.БАТ