Цагаан ордны эзний НҮБ-ын индрээс хийсэн мэдэгдлийн дараах эффект

АНУ-ын Ерөнхийлөгч Дональд Трамп НҮБ-ын Ерөнхий Ассамблейн 81-р чуулганы үеэр хэвлэл мэдээллийнхэнд хандан үг хэлэв. 2026 оны 9-р сарын 22-ны өдөр

Хиймэл оюун ухааны технологийн суутнуудын өрсөлдөөн дунд дэлхийн геополитикийн том хөзрүүд дэлгэгдэж, Цагаан ордон хийгээд Кремль, Бээжингийн хооронд шинэ хүйтэн дайн эхэлснийг илтгэх дуулиант үйл явдлууд ч ар араасаа хөвөрлөө.

CNBC

АНУ-ын Ерөнхийлөгч Дональд Трампын газар орны нэрийг өөрчилж тоглодог хуучин зуршил энэ удаад технологийн салбар дээр давтагдав. Тэрбээр хиймэл оюун ухаан гэх нэршлийг бүрмөсөн булшилж, оронд нь супер оюун ухаан гэсэн шинэ нэршлээр солихоор улайрч байна. Гэвчиг хүн төрөлхтний түүхэн дэх хамгийн ухаалаг, магадгүй хамгийн аюултайд тооцогдох энэ технологийн нэрийг өөрчиллөө гээд хангалтгүй. Тэр дундаа Вашингтонд хөл тавих БНХАУ-ын дарга Ши Жинпинийг угтан авахын өмнө дэлхий нийтийн аюулгүй байдлын стандарт юу юунаас ч чухалд тооцогдож байна.

“Хиймэл гэдэг үг энэ агуу оюун ухааныг хуурамч гэж харагдуулж байна. Гэтэл энэ бол хуурамч зүйл биш,  ухаан алдам гайхамшиг” гэж Дональд Трамп НҮБ-ын Ерөнхий ассамблейн индэр дээрээс мэдэгдлээ. Тэрбээр энэхүү хүчирхэг технологийг ямар ч хязгаарлалтгүйгээр, галзуу хурдаар хөгжүүлэх ёстой гэж үзэж байгаа бол дэлхийн бусад гүрнүүд үүнийг хазаарлаж, аюулгүй байдлын хатуу дүрэм журам тогтоохоор чармайж байна.

Өөрөөр хэлбэл, Ерөнхийлөгч Трамп болон түүний урилгаар Цагаан ордонд айлчлал хийж буй Хятадын удирдагч Ши Жинпин нарын дундах гол хэлэлцээрүүдийн нэг нь хиймэл оюун ухаан байх нь тодорхой болов. Өөрөөр хэлбэл супер гүрнүүдийн гол хөзөр супер оюун ухаан байх бололтой.

Тэгвэл “OpenAI”-ийн Сэм Альтман, “Anthropic”-ийн Дарио Амодей зэрэг дэлхийн Цахиурын хөндийн акулууд НҮБ-ын Аюулгүйн Зөвлөлийн өмнө дуудагдсан нь бас нэг дуулиант үйл явдлын нэг байлаа. Тэдэнтэй хамт “Hugging Face”-ийн Клемент Деланг нэгдэж, AI-ийн зохицуулалтын талаар ширүүн мэтгэлцээн өрнүүлнэ. Технологийн хөгжлийн хурдыг сааруулах гэсэн болгоомжлолыг няцаасан Трампын мэдэгдлийн дараа энэ уулзалт товлогдсон нь гал дээр тос нэмсэн хэрэг боллоо.

Харин хөрөнгө оруулагчид ирээдүйг тун өөдрөгөөр харж, зах зээлийг хуу хамж байна. Мягмар гаригт технологийн гигантуудын хувьцаа хөөсөрч, Nasdaq индекс түүхэндээ байгаагүй шинэ дээд амжилт үзүүлэв. Азийн зах зээлээс эерэг дохио авсан фьючерс арилжаа өнөөдөр өглөө ч эрчээ алдалгүй тогтвортой үргэлжилж байна.

Ийнхүү хиймэл оюун ухааны салбарынхны хувьцаа тэнгэрт хадаж байхад нөгөө талд НҮБ-ын чуулганы ард АНУ болон Ираны төлөөлөгчид тун үр дүнтэй уулзалт хийсэн гэх мэдээлэл тармагц түүхий тосны үнэ огцом уналаа. Ерөнхийлөгч Трамп Ираны талтай хийсэн нууцлаг хэлэлцүүлэг гурван цаг орчим үргэлжилсэн гэж мэдэгдэв. Тэрбээр НҮБ-ын индэр дээрээс хэлсэн үгэндээ Ирантай түүхэн хэлэлцээрт хүрэх үү, эсвэл тус улсыг газрын хөрснөөс арчих уу гэсэн  амь дүйсэн том шийдвэр гаргахын өмнө байгаагаа дуулгаж битүүхэн заналхийлэл үзүүлсэн юм. Бүс нутгийн эх сурвалжуудын мэдээлж буйгаар, Иран улс долоон сар үргэлжилсэн цуст дайныг зогсоох хатуу нөхцөлөө Катарын зуучлагчаар дамжуулан Вашингтонд тулган шаардсаар байгаа юм

Технологийн хурдыг сааруулах гэсэн дэлхийн зарим улс орнуудын удирдагчдын шахалт үр дүнд хүрсэнгүй. Үүнийг батлах мэт OpenAI болон Anthropic компаниуд илүү хүчирхэг хэрнээ хэтэрхий хямд өртөгтэй шинэ загваруудаа зэрэгцэн танилцуулж, зах зээлд тэсрэлт хийлээ.

OpenAI компани GPT-6 цувралдаа Sol, Luna гэх хоёр шинэ загвар нэмж, хөгжүүлэгчдэд зориулсан API-ийнхаа үнийг шууд 50 хувиар хямдрууллаа. Sol загвар нь програмчлалын нарийн ажлуудыг маш хурдан гүйцэтгэдэг бол Luna загвар нь их хэмжээний мэдээллийг асар богино хугацаанд боловсруулж хураангуйлдаг. Anthropic компани мэдээж үүнийг хараад дуугүй суусангүй. Тэдний зүгээс хиймэл оюун ухааны салбартаа хамгийн өндөр чадалтай Claude Opus 5.5 загвараа шинээр танилцуулж, өрсөлдөгчиддөө томоохон цохилт өглөө.