НүүрАНАЛИЗМЭДЭЭЯРИЛЦЛАГАШАР МЭДЭЭВИДЕОФАКТЧЕКENGLISH中文РУССКИЙ

Холбоосууд

  • Редакцийн баримтлах зарчим
  • Холбоо барих
© 2025 Mono.mn. Зохиогчийн эрх хуулиар хамгаалагдсан. Сайт хөгжүүлэлт:Emerald Software LLC
Бээжин хотын хамгийн өндөр цамхагт юу тохиолдсон бэ?
АНАЛИЗ

Бээжин хотын хамгийн өндөр цамхагт юу тохиолдсон бэ?

2026 оны 6-р сарын 30
Г.Пүрэвсүх

Г.Пүрэвсүх

Гадаад мэдээний тоймч

Осол Баасан гаригийн (2026-06-26) орой, хүмүүс ажил тарах ачаалалтай цагаар Бээжингийн төв бизнесийн дүүрэгт (CBD) байрлах 528 метр өндөр “China Zun” цамхагт гарчээ. "B-12PP" бүртгэлийн дугаартай, хоёр хүний суудалтай, хөнгөн спорт зориулалтын нисэх онгоц Бээжингийн зүүн захын нислэгийн талбайгаас хөөрсөн бөгөөд цамхгийн зүүн талыг мөргөсөн байна.

Уг ослын улмаас онгоцны нисгэгч амь үрэгдэж, барилга дотор болон ойр орчимд байсан 13 хүн бэртэж гэмтсэн байна. Цахим орчинд тархсан видео болон гэрэл зургуудад цамхгийн нэг талын шилэн пасад хагарч, цоорсон бөгөөд дээрээс онгоцны хэлтэрхий, барилгын нуранги доош унаж байгаа нь дүрслэгджээ. Осол гарсны дараа цамхаг хавиар олон тооны цагдаа, гал унтраах болон түргэн тусламжийн машинуудыг дайчлан, иргэдийг яаралтай нүүлгэн шилжүүлсэн байна.

Хятад улс нь агаарын орон зайн, ялангуяа нийслэл Бээжин хотын аюулгүй байдлын хамгийн чанга дэглэмтэй орнуудын нэг бөгөөд улс төрийн удирдагчдын байрладаг бүсээс хэдхэн километрийн зайд ийм осол гарсан нь Бээжингийн оршин суугчдыг ихэд цочроожээ.

Осол гарсны дараа Хятадын сошиал медиа сувгуудаар тархаж байсан ослын бичлэг, зургуудыг эрх баригчид маш хурдтайгаар устгаж, цензур тавьсан байна. Засгийн газраас осол гарснаас хойш бараг 24 цагийн дараа л хэргийг мөрдөн шалгаж байгаа тухай товч мэдэгдэл гаргажээ.

Уг ослын дараа Хятадын засгийн газраас тус улсын хэмжээнд спортын болон амралт зугаалгын зориулалттай бүх төрлийн хөнгөн онгоц, шүхэр, дельтапланы нислэгүүдийг тодорхойгүй хугацаагаар бүрмөсөн зогсоох (grounded) тушаал гаргаад байна.

Одоогоор ослын нарийн шалтгаан тодорхойгүй байгаа бөгөөд албаныхан шалгалтын ажиллагааг үргэлжлүүлж байна хэмээн мэдэгдсэн байна.

 
Г.Пүрэвсүх

Г.Пүрэвсүх

Гадаад мэдээний тоймч

 
FacebookX.com

Сэтгэгдэл бичих

Хүндэтгэлтэй, соёлтой хэлж бичихийг хүсье. Сэтгэгдлийг нийтлэлийг уншигчид шууд харна.

Илгээснээс хойш таны сэтгэгдэл шууд нийтлэгдэнэ. Зөрчилтэй контент илэрвэл устгана.

Сэтгэгдлүүд (0)

Одоогоор сэтгэгдэл байхгүй байна. Та хамгийн түрүүнд сэтгэгдэл үлдээнэ үү.

Холбоотой мэдээ

Женкогийн дэглэлт ба АН-ын тоглолт: Тамгагүй төр

Женкогийн дэглэлт ба АН-ын тоглолт: Тамгагүй төр

Ардчилсан намын бүлгээс өчигдөр (2026.11.16) мэдээлэл хийж, авлига, албан тушаалын хэрэгт яллагдагчаар татагдсан, хотын дарга асан Х.Нямбаатар лайваар нэр дурдагдсан албан тушаалтнуудыг огцрохыг шаардаж, шаардлагыг нь хүлээж авахгүй бол талбай дээр гарна гэв.

Nov 17, 2026

Трамп, Ши нарын уулзалт “Nvidia”-гийн скандалд дарагдав

Трамп, Ши нарын уулзалт “Nvidia”-гийн скандалд дарагдав

Хууль зүйн дэд сайд Д.Мөнх-Эрдэнэ: Х.Нямбаатар өөрөө “Бодь” компанитай ₮500 тэрбумын гэрээ байгуулжээ

Хууль зүйн дэд сайд Д.Мөнх-Эрдэнэ: Х.Нямбаатар өөрөө “Бодь” компанитай ₮500 тэрбумын гэрээ байгуулжээ

АНУ-ын агаарын тээврийн доголдол арилаагүй хэвээр байна

АНУ-ын агаарын тээврийн доголдол арилаагүй хэвээр байна