НүүрАНАЛИЗМЭДЭЭЯРИЛЦЛАГАШАР МЭДЭЭВИДЕОФАКТЧЕКENGLISH中文РУССКИЙ

Холбоосууд

  • Редакцийн баримтлах зарчим
  • Холбоо барих
© 2025 Mono.mn. Зохиогчийн эрх хуулиар хамгаалагдсан. Сайт хөгжүүлэлт:Emerald Software LLC
АН-ын нэрээр Б.Чойжилсүрэнг засагт шахах ЗАЛЬ!
АНАЛИЗ

АН-ын нэрээр Б.Чойжилсүрэнг засагт шахах ЗАЛЬ!

7 өдрийн өмнө
Mono.mn

Mono.mn

Мэдээний нийтлэгч

Ардчилсан нам засагт хамтрах тухай ахиад нэг “гүтгэлэг” цацагдав. Гүтгэлэг гэдэг нь Ардчилсан намын дунд засагт хамтрах тухай яриа огтоос хөндөгдөөгүй агаад МАН-ын Засгийн газарт хамтрахгүй гэдгээ сөрөг хүчний гишүүд хатуухан агаад шулуухан илэрхийлэв. Угаасаа ч АН-ын удирдлагууд болох О.Цогтгэрэл, С.Баярцогт, Б.Түвшин нар МАН-ын Засгийн газарт Ардчилсан нам хамтрахгүй гэдгээ удаа дараа илэрхийлсэн.

Тэгэхээр нэгдүгээрт, Ардчилсан нам Засгийн газарт хамтрах асуудал намын төвшинд огтоос яригдаагүй. Хэрэвзээ, хамтрах асуудал яригдахад хүрвэл бүлэг дангаараа мэдэхгүй, Үндэсний бодлогын хороогоор хэлэлцэж, олонхын саналаар шийднэ гэж үндсэн дүрэмдээ заажээ.

Хоёрт, Ардчилсан намынхны дунд хардлага төрүүлэх зорилготой, хэн нэгний шидсэн яс байх магадлал ихээхэн өндөр. Гуравдугаарт, Ардчилсан намын нэрийг ашиглан Н.Учралын Засгийн газрыг түнших, ингэхдээ түүний байр суурийг ганхуулах гэсэн аль нэг бүлэглэлийн “алсын хараа” байж мэднэ.

Н.Учралын талд зогсох 38+ талын сайд нарыг цөөлөх, өөрсдийн хүнээ засагт нэмэх нь Гэрэгэ бүлэглэлийн тактик байхыг үгүйсгэхгүй. Хэрэвзээ Н.Учрал үнэхээр танхимдаа сэлгээ хийж, хариуцлага тооцмоор байгаа бол түүний томилгоог удаа, дараа бойкотолсон Ч.Номин, Н.Номтойбаяр гэх хоёр сайдаа юуны өмнө явуулах ёстой юм. Учир нь, Гүйцэтгэх засаглалын тэргүүнийхээ томилгоог эсэргүүцэж буй сайд нар зарчмын хувьд өөрсдөө ч өргөдлөө өгөх ёстой.

Нөгөө талаас АН-ыг засагт урих эсэхийг МАН-ын Бага хурлын олонхын саналаар шийднэ. Тэгэхээр АН-ыг онилсон ээлжит "гүтгэлгийн" цаад зорилго нь Б.Чойжилсүрэнг засагт шахах гэсэн заль гэж уншигдаж байна.

Гэвчиг Б.Чойжилсүрэнг Эрчим хүчний сайдаар ажиллаж байх үед энэ салбар авлига, хулгайн үүр овоохой болоод зогсохгүй 10 аймгийн станц "алга болсон" гашуун түүх бийг мартаж болохгүй. Тэр ч бүү хэл Дулааны хоёр ч цахилгаан станцад аваар осол гарч, хүний амь нас эрсэдсэн эмгэнэлт хэрэг гарсан билээ.

Тохуутай нь, томилогдсон цагаасаа тэрбээр тог, цахилгааны хомсдлыг яаж шийдэх вэ гэсэн асуултад аргална даа гэж ам тагладаг ганц үгтэй явж ирсэн. Улаанбаатарын утааг хэрхэн бууруулах вэ гэсэн хэвлэлийнхний асуултад "салхи гарахгүй байна" гэж хариулдаг л сайд байлаа. Ийм хүнд эдийн засгаа хариуцуулна гэдэг чононд хонио мануулсантай ялгаагүй болно.

Архангай, Баянхонгор, Говь-Алтай, Говьсүмбэр, Дундговь, Завхан, Өвөрхангай, Сүхбаатар, Хэнтий, Төв гэсэн 10 аймагт дулааны станц барихаар БНСУ-ын Экзим банкнаас Монгол Улс $110 саяын хөнгөлөлттэй зээл авсан. Харамсалтай нь, Б.Чойжилсүрэнг Эрчим хүчний сайдаар ажиллаж байх үед энэхүү төсөл дампуурсан байдаг.

Улаанбаатар хотод Б.Чойжилсүрэнгийн цементэн ширэнгэ босохын хэрээр эсрэгээрээ нийслэлчүүдийн лаа барьж, цахилгааны хязгаарлалтад орсон хоногуудын тоо нэмэгдсэн. Тэгэхээр Монголын эрчим хүчний салбарыг "аргалж" дийлээгүй Б.Чойжилсүрэн эдийн засгийг хөгжүүлнэ гэдэг үлгэр юм. Ийм үлгэрт захын эмгэн ч хууртагдахааргүй болсон биз.

Харин түүнийг засагт шахах гэсэн Женко бүлэглэлийн цаад зорилго нь улс орны эдийн засгийг гацаах ээлжит "цэрэг танкны үлгэр"-ээ хэрэгжүүлэх зорилготой байх вий. ОХУ-ын Элчин сайдын үг, араас нь залгуулсан ээлжит сэвээнүүд, "ард түмний хандивын колонк" зэрэг нь "Роснефть"-ийн ШТС-ыг дотооддоо оруулж ирэх гэсэн Кремлийн даалгавартай, "Баянгол" зочид буудалд бичигдсэн сценари байхыг хэн мэдэх билээ.

Б.ЦОГТ

 
Mono.mn

Mono.mn

Мэдээний нийтлэгч

 
FacebookX.com

Сэтгэгдэл бичих

Хүндэтгэлтэй, соёлтой хэлж бичихийг хүсье. Сэтгэгдлийг нийтлэлийг уншигчид шууд харна.

Илгээснээс хойш таны сэтгэгдэл шууд нийтлэгдэнэ. Зөрчилтэй контент илэрвэл устгана.

Сэтгэгдлүүд (0)

Одоогоор сэтгэгдэл байхгүй байна. Та хамгийн түрүүнд сэтгэгдэл үлдээнэ үү.

Холбоотой мэдээ

Н.Учралын нэг сумаар буудах ХОЁР ТУУЛАЙ!

Н.Учралын нэг сумаар буудах ХОЁР ТУУЛАЙ!

Ерөнхийлөгч У.Хүрэлсүхийн Мягмар гаригт хийсэн, албан тушаалаасаа өөрийн хүсэлтээр огцорч, нэр төрөө сэргээлгэх мэдэгдлийн араас Ерөнхий сайд Н.Учрал өнөөдөр (2026.11.18) хэвлэлийнхэнд мэдээлэл хийлээ. Түүний мэдээллийг товч тоймловол “Гашуунсухайтын төмөр зам, "Бодь" группийн оффтейк гэрээтэй нэр нь холбогдсон, тухайн үед ҮАБЗ-д ажиллаж байсан төрийн өндөр албан тушаалтнууд, улстөрчид бүгд шалгуулах ёстой. УИХ-ын халдашгүй байдлын ард нуугдах ёсгүй. Төгрөг нуурын ордыг $250 саяар зарсан асуудлаар хуулийнханд ахин хандана. Мөн тэдэнд хугацаатай үүрэг өгнө. Гашуунсухайтын төмөр замын төсөл болон МАН-даа ч хөндлөнгийн аудит оруулна” гэсэн нь нэг талаас улс төрийн цэвэрлэгээгээ эхлүүлж буй хүний үг байв. Нөгөө талаар улсаа авлигаас чөлөөлж чадах уу гэсэн асуулт үлдээв. Улс төрөө ч, улсаа ч цэвэрлэж чадвал Н.Учралын ирээдүйн карьерт хэрэгтэй.

Nov 18, 2026

Монголбанкны алдагдал ба юанийн свопын өртөг

Монголбанкны алдагдал ба юанийн свопын өртөг

У.Хүрэлсүх нэр төрөө сэргээлгэнэ гэлээ, Х.Нямбаатар аа, гэмт хэргээ шалгуул!

У.Хүрэлсүх нэр төрөө сэргээлгэнэ гэлээ, Х.Нямбаатар аа, гэмт хэргээ шалгуул!

Ерөнхийлөгчийн сонгууль ирэх оны 6-р сард биш 3-р сард болж наашлав!

Ерөнхийлөгчийн сонгууль ирэх оны 6-р сард биш 3-р сард болж наашлав!