Зөнөхгүй байя гэвэл өдөр болгон гараараа бич

Японы Киото хотын эрдэмтэн Хироши Танака 2011-2019 оны хооронд 300 гаруй 80-аас дээш настанд ажиглалт хийж, зөнөглөрөлийн шалтгааныг олохыг хичээжээ. Эрдэмтэн судалгаандаа 80-аас дээш настай боловч ухаан санаа нь эрүүл хүмүүсийг сонгосон байна.

Хөгшчүүлд нийтлэг ажиглагдсан зүйл нь,

-Ой санамжаа огт алдаагүй,

-Хурдан сэтгэдэг,

-Үгээ тод хэлж ярьдаг,

-Өдөр болгоны хийж хэвшсэн өөрийн гэсэн дэглэмтэй байжээ.

Танака зөнөгрөлийн шалтгаан генетикийн мэдээлэлд байдаг гэсэн таамаглаж байсан нь энэ судалгааны эцэст андуу таамагласнаа ойлгожээ.

Танакагийн ажигласнаар хоол хүнс, биеийн хөдөлгөөн, нойр аль аль шалтгаан биш байв. Тэдгээр настаны дийлэнхэд нэг ижил хэвшил байсан нь гараараа бичдэг байв. Өдөр бүр 10-15 минут бичдэг ямар нэг зүйл бичдэг, түүнийгээ хэвлэх гэдэггүй, зүгээр л бичээд хадгалдаг байв.

Гараараа бичих үед тархины хэд хэдэн систем ажилладаг байна. Бичих үед тархи ажиллаж эхэлдэг, яг машины хөдөлгүүр асч байгаа шиг, хүн бичихийн тулд хязгааргүй орон зайд сэтгэдэг, ой санамжаа эргэн сэргээдэг, бичих үгээ тархиндаа боловсруулдаг байна. Харин бичгийн машин дээр юм уу, компьютер дээр бичихэд тархинд ижил процесс явагддаг ч тархинд үзүүлэх нөлөө нь бага. Учир нь, гараар бичиж байгаа үсэг бүр тархины хөдөлгүүрийг дээд чинээнд тултал ажиллуулдаг байна. Ингэснээр тархи идэвхтэй байна гэсэн үг.

Эрдэмтэн Танака судалгаагаа гүнзгийрүүлэхийн тулд тархины үйл ажиллагаа нь муудах шинж ажиглагдсан 65-75 насны хүмүүст мөн судалгаа хийжээ. Тэднийг хоёр хэсэг болгон хувааж, нэг хэсгийг өдөр болгон гараар бичүүлж байсан бол нөгөө хэсгийг нь бичгийн машин юм уу, компьютер дээр бичүүлжээ. Өдөр болгон нэг ижил зүйлийг, ижил цагт бичүүлж байв. Зургаан сарын дараа үр дүн сонирхолтой байжээ. Гараар бичиж байсан настангуудын хэл ярианы чадвар илт сайжирч, өмнөхөөс илүү хурдан сэтгэж, ой санамжаа илүү удаан хадгалдаг болсон байна.

Хүмүүс хөгшрөөд ой санамжаа алдах нь зайлшгүй үйл явц гэж хүлээж авдаг буруу хэмээн Танака дүгнэж байна. Тархиа ажиллуулахгүй байгаа учраас ой санамж муудаж, зөнөг залгадаг хэмээн Танака дүгнэжээ. Тархиа ажиллуулсаар байх юм бол нас харгалзахгүй саруул ухаантай байж болно.