Зэс, нүүрсний жинхэнэ МАФИ!

Хулгайч хулгайчийг бариарай гэж үгтэй. Энэ үг УИХ-ын гишүүн Н.Алтанхуягт яг зохино. Тэрбээр камерын өмнө энхийн цагаан тагтаа шиг авирлана. Камерын ард жинхэнэ МАНАН мафийн нэг гэдгээ харуулдаг.

1.

МАНАН гэж монголчуудын тархийг угааж явсан МАН+Женко бүлэглэл зэс, нүүрсний жинхэнэ мафи байжээ. Байжээ гэдгийн учир нь МАНАН бүлэглэлийн эсрэг “Монгол түмний нэгдэл” хөдөлгөөнөөс  Хууль зүй, дотоод хэргийн сайд Б.Энхбаярт хандаж “Монгол Улсын Ерөнхий сайд асан, одоогийн УИХ-ын гишүүн Норовын Алтанхуягийн зөвлөх байсан гэж өөрийгөө танилцуулсан Г.Галсанням гэгч нь  "Зэс эрдэнийн хувь" ХХК-аас 4.5 тэрбум төгрөг зээл нэрээр аван зугтаж алга болсон.

2025 онд энэ бүлэглэлийн жинхэнэ эзэд тодорч эхэлсэн ба Ерөнхий сайд асан Н.Алтанхуягийн үеэл дүү С.Цэвэгжав болон түүний хүү Ц.Сумъяабазар гэж нөхөр "Занера Амани" ХХК гэх компаниар дамжин “эзэн” болж орж ирсэн. Мөн "Занера Амани" ХХК-ийн хувьцаа эзэмшигчээр экс Ерөнхий сайд Л.Оюун-Эрдэнэ, хотын дарга Х.Нямбаатар, Ж.Батзандан, “Херо энтертаймент”-ийн эзэн Б.Баатар, А.Амундра нарын төлөөний хүн болох Тэлмэн гэх залуу мөн хувьцаа эзэмшигчээр орж ирсэн.  24500-н жирийн иргэдийн өмч хөрөнгийг хулгайлан дээрэмдэн авахад нь гол үүргийг МАНАН мафийн төлөөлөгч Б.Мөнхбаатар гардан гүйцэтгэж байна” гэх утгатай захидал илгээжээ.

Тус захидалд Б.Мөнхбаатар нь "Зэс эрдэнийн хувь" ХХК-ийн хувьцаа эзэмшигчдэд худал мэдээлэл тараан "Л.Оюун-Эрдэнэ огцорвол бидний үйлдвэрийг дээрэмдэн авах болно" гэж худал ухуулга хийн 600 гаруй хувьцаа эзэмшигчдэд мөнгө өгөн, УБ хот руу олон тооны автобус, унаагаар зөөж Төрийн ордны урд авчран жагсаал, цуглаанд оролцуулж "Л.Оюун-Эрдэнийг огцруулахгүй" гэсэн бичигтэй лоозон, плакатаар хангаж үймээн самуунд турхирсан болохыг илчилсэн байна.

УИХ-ын гишүүн Н.Алтанхуяг нь экс Ерөнхийлөгчийн ахлах зөвлөх хийж явсан, улмаар 2021 онд С.Эрдэнийн оронд нэр дэвших сонирхолтой байсан билээ. Түүнийг Ерөнхийлөгчийн сонгуульд нэр дэвшүүлсэнгүй гэж Ерөнхийлөгч асан Х.Баттулгын заавраар АН-ын бүлгийнхэн (О.Цогтгэрэл, Н.Ганибал, Ж.Ганибал, С.Алтанхуяг, А.Адъяасүрэн, Д.Ганбат, Ц.Туваан, Н.Алтанхуяг) нар өлсгөлөн зарлаж байсан билээ.

 Н.Алтанхуяг нь Ерөнхий сайд байхдаа хүргэн Г.Дэнзэнгээ ЗГХЭГ-ийн дэд даргаар томилж, найз Л.Гансүхтэйгээ хамтран нүүрс шуудайлан хулгайлсан хэрэгт буруутгагдаж байсан билээ.

2.

Хууль зүйн сайд Б.Энхбаярт хаяглагдсан захидалд "Зэс эрдэнийн хувь" ХХК-ийн гэрээ хийсэн ашиглах эрхтэй 8а овоолгын хажууд байдаг ногоон уснаас буюу борооны уснаас зэс цэвэршүүлэн авах технологиор ажилладаг, жилдээ 100 тонн хүрэхгүй зэс үйлдвэрлэдэг "Гал сэнтий" ХХК-ийн үйлдвэрийг худалдан авсан. “Гал сэнтий” ХХК-ийн үйлдвэрийг Н.Алтанхуяг нь Ерөнхий сайдаар ажиллаж байх үедээ Татварын ерөнхий газрын даргаар ажиллуулж байсан Т.Батмагнай гэх өөрийнхөө хамаарал бүхий хүний нэр дээр авсан бөгөөд "Зэс эрдэнийн хувь" ХХК-аас хулгайлж ачсан зэсээ "Гал сэнтий" ХХК-ийн үйлдвэрлэсэн зэс гэж нэрийдэн бусдад зарах, экспортод гаргах мөн "Зэс эрдэнийн хувь" ХХК-ийн өмчийн 8а овоолго дээр "Зэс эрдэнийн хувь" ХХК-аас хулгайлсан хүхрийн хүчилтэй уусмалыг асган 8а овоолгын зэсийн өрөм-ийг "Гал сэнтий" ХХК-ийн үйлдвэр дээр боловсруулан авах замаар хулгай хийхээр оролдож байна” гэжээ.

“Эрдэнэт”-ийн хог хаягдлаас П.Цагаан л “хулгайлаад” байна гэж хошгируулсан Норовын Алтанхуягийн үнэн нүүр энэ. Өөрөөр хэлбэл, зэс, нүүрснй жинхэнэ хулгайч нь Н.Алтанхуяг ба Л.Оюун-Эрдэнэ, Х.Нямбаатар нарын бүлэглэл.

Хамгийн чангаар МАНАН гэж дуугардаг Л.Оюун-Эрдэнэ, Н.Алтанхуяг нар жинхэнэ МАНАН мафи байгуулсан нь олон жишээгээр нотлогддог. Н.Алтанхуягийн туслах асан Л.Ууганбаяр нь Гэрэгэ15-ын найруулагчдын нэг аж. Тэгвэл Л.Оюун-Эрдэнийн Засгийн газрын гол пиарчин А.Амунда нь Н.Алтанхуягийн Засгийн газрын гол пиарчин байсан билээ.

МАНАН бүлэглэлийн эсрэг “Монгол түмний нэгдэл” хөдөлгөөнөөс  АН-аас Н.Алтанхуягийг Ерөнхийлөгч болгох зорилготой нам дамнасан нүүрсний  хулгайчид зүсээ хувилган зэсийн хулгайчид болсон байгаад эгдүүцэж буйгаа уг захидалдаа илэрхийлжээ.

Наанаа “тал тохой” биш гэж нийслэлийн Засаг дарга Х.Нямбаатар мянгантаа үгүйсгэдэг ч цаанаа МАНЖ мафийн гол толгойлогчдын нэг. Женко бол херо, Херо бол Л.Оюун-Эрдэнэ, Л.Оюун-Эрдэнэ бол Х.Нямбаатар. Мөн Л.Оюун-Эрдэнэгүй Д.Амарбаясгалан, Д.Амарбаясгалангүй Л.Оюун-Эрдэнэ үгүй гэдэг шиг “Херо”-гүй А.Амундра, А.Амундрагүй “херо” үгүй... Тэр тусмаа Женкогүй Алтанхуяг гэж бүр байхгүй.

Товчхондоо, нүүрсний хулгайн загалмайлсан эцгүүд зэс, нүүрсний жинхэнэ луйварчид байжээ!

Б.БАТ