УИХ дахь АН-ын гишүүд намын дарга О.Цогтгэрэлийг бүлгийн даргаас огцруулахаар нэгджээ

Ардчилсан намын дотоод сонгуулиас үүдэж, УИХ дахь бүлэг дотроо багагүй зөрчилдөөн үүсч, УИХ-ын гишүүд нь намын дарга О.Цогтгэрэлийн шийдвэрт шүүмжлэлтэй хандаж эхэлсэн талаар өмнө нь мэдээлсэн.

УИХ дахь АН-ын бүлгийн зарим гишүүн намын дарга бүлэг болон намаа давхар хариуцах нь улс төрийн болоод хууль эрхзүйн хувьд боломжгүй гэсэн байр суурь илэрхийлсэн байна. АН-ын дарга О.Цогтгэрэл нь асуудлыг бүлгээрээ ярилцахгүй, ганцаарчилсан тоглолт хийх болсон тул гишүүд нь дургүйцэж, бүлгийн даргаа өгөх ёстой гэсэн шаардлага тавьжээ.  Өчигдрөөс АН-ын дарга О.Цогтгэрэлийг УИХ дахь бүлгийн даргаас огцруулахаар гарын үсэг цуглуулж, өнөө өглөөний /2026.04.01/ байдлаар 22 гишүүн нэгджээ.

УИХ-д АН-аас 43 гишүүн ажилладаг. Тэгэхээр 50% нь О.Цогтгэрэлийг УИХ дахь АН-ын бүлгийг даргалах боломжгүй гэж үзээд байна. Монголын парламентын түүхэнд бүлгийн дарга болон намын даргаа давхар хийж байсан тохиолдол УИХ-ын гишүүн О.Цогтгэрэлээс өөр байхгүй юм.

Б.ГЭРЭЛЭЭ