Эхдээ гологдсон монш 1 нас хүрэв!
Ердөө л нэг жилийн өмнө энэ хорвоод мэндлэхдээ ээждээ гологдож, бяцхан савраараа IKEA-гийн чихмэл тоглоомыг ээж хэмээн чангаас чанга тэврэн уйлж байсан тэр бяцхан цасны сармагчныг та санаж байна уу? Тийм ээ, Ичикава амьтны хүрээлэнгийн хамгийн хайртай "зулзага" Панч маань өнөөдөр 1 нас хүрлээ!
Түүний амьдралын анхны жил тийм ч амар байгаагүй. Ээжийн хайраар дутаж, дараа нь хатуу дүрэмтэй сармагчны сүрэгтээ гадуурхагдаж, олон хүнд хэцүү давааг туулсан. Гэвч Панч бууж өгөөгүй. Тэрээр өдөр бүр хичээсээр өнөөдөр сүргийнхээ ах эгч нарт тэврүүлж, үсээ засуулдаг "том залуу" болон өсжээ. Жинхэнэ ээжийг нь орлож байсан улбар шар чихмэл тоглоом нь одоо ч түүний зүрхэнд нандин хэвээр байгаа байх.
Хорвоогийн хамгийн хүнд хэцүүг туулсан ч өхөөрдөм төрх, амьдрах урам зоригоороо дэлхий даяарх сая хүмүүсийн сэтгэлийг дулаацуулсан бяцхан Панчдаа 1 насны төрсөн өдрийн мэнд хүргэе! Цаашид сүрэгтээ улам их хайрлагдаж, эрүүл саруул, аз жаргалтай өсөх болтугай.
Г.Пүрэвсүх
Гадаад мэдээний тоймч
Сэтгэгдэл бичих
Хүндэтгэлтэй, соёлтой хэлж бичихийг хүсье. Сэтгэгдлийг нийтлэлийг уншигчид шууд харна.
Сэтгэгдлүүд (0)
Одоогоор сэтгэгдэл байхгүй байна. Та хамгийн түрүүнд сэтгэгдэл үлдээнэ үү.
