Л.Оюун-Эрдэнэ БНСУ-аас ирж, Х.Баттулгатай уулзжээ

Өнгөрөгч оны арванхоёрдугаар сард болсон МАН-ын 31 дэх Их хурлаас хойш гадагшаа явсан гэх УИХ-ын гишүүн Л.Оюун-Эрдэнэ Бага хурлын дараахан яаран, сандран Монголд иржээ. Тэрбээр Ерөнхий сайдаасаа огцорсноос хойш БНСУ-ын Пёнчанд амьдарч, тэндээсээ АНУ, Англи руу ирж очин байжээ.

Харин түүнийг Монголдоо яаралтай ирэхэд хүргэсэн шалтгаан нь МАН-ын дарга Н.Учралын гэнэтийн мэдэгдэл. МАН дахь Женко бүлэглэлийн хувьд энэхүү шийдвэр нь төсөөлөөгүй агаад хүндхэн цохилт болсон бололтой.

Тэрбээр Улаанбаатарт ирсэн даруйдаа “Баянгол”-д очих УИХ-ын гишүүн Х.Баттулгатай уулзжээ. Тэрхүү уулзалтад УИХ-ын гишүүн Д.Амарбаясгалан, “сахал” Б.Бат-Эрдэнэ, хотын дарга Х.Нямбаатар, Ардчилсан нам талаас ч мөн хэд, хэдэн гишүүн байсан гэх. Энэ талаар тэнд байсан хүмүүсээс хэн нэгэн нь санамсаргүйгээр ам алдсан уу, эсвэл санаатай “гэрэл цохиулсан” уу, ямартай ч хоёр ордноос “Баянгол”-д ийм нэг уулзалт болсон тухай яриа гарч эхэллээ.

М.ДАЛАЙ