Ким удирдагчийн охин Ким Жу Э

Хойд Солонгосын телевизийн 14115 цагийн бичлэгт хиймэл оюунаар дүн шинжилгээ хийсний эцэст удирдагч Ким Жон Уны охин Ким Жу Э-гийн дүрс телевизээр гарах нь эрс нэмэгдсэн гэж дүгнэжээ.

Ким Жон Уны ууган охин гэж таамаглаж байгаа Ким Жу Э одоогоос 3 жилийн өмнөөс аавыгаа дагалдан элдэв төрлийн арга хэмжээнд оролцох болсон. Сая шинэ жилийн баярын арга хэмжээнд ч эцгийнхээ хажууд зогссон зураг цацагдсан. Улам бүр олны танил болж буй Ким Жу Э-г Хойд Солонгосын дараагийн удирдагч гэж тооцохоос өөр аргагүй болж байгаа юм. Өнгөрсөн намар Ким БНХАУ-д айлчлахад охин нь мөн дагалдаж явсан.

Олны өмнө гарсан Ким Жу Э-гийн анхны зураг

14115 цагийн 5 терабайт бичлэгт хийсэн хиймэл оюуны дүн шинжилгээгээр Жу Э-гийн эфирт харагдсан давтамж Ким Жон Уныхтай дөхөж очсоныг Nikkei онцолсон байна.

Ким Жу Э анх 2022 оны 11-р сард анх олонд харагдсан бөгөөд цагаан хүрэмтэй охин аавтайгаа тив алгасах пуужинтай танилцаад явж байгаа зургууд нийтлэгджээ. Тэр цагаас хойш Ким Жу Э өсвөр насны охиноос гоо бүсгүй болон хувирчээ.