"Говь майнинг энд транспорт" $300 саяын бонд гаргана

2025 оны 12-р сард Сингапурт бүртгэлтэй "Говь Майнинг энд Транспорт" (GMT) компани Өмнөговь аймагт хэрэгжиж буй төмөр замын төслөө санхүүжүүлэхийн тулд Хойд Европын (Nordic) зах зээлээс анх удаа 300 сая ам.долларын бонд босгохоор төлөвлөж байна. Энэ нь Монголын аж ахуйн нэгж тус бондын зах зээлд хөл тавьж буй анхны тохиолдол болж байна.

​Уг бонд нь 5 жилийн хугацаатай, жилийн 14.5%-ийн тогтмол хүүтэй бөгөөд Хойд Европын хөрөнгө оруулалтын банк болох "ABG Sundal Collier" зуучлан гүйцэтгэж байна. Бондыг ойрын хэдэн долоо хоногт багтаан гаргаж дуусгах бөгөөд 2026 оны 1-р сарын эхний долоо хоногоос санхүүжилтийг татан авч эхлэхээр төлөвлөжээ. Хөрөнгө оруулалтыг төмөр замын зүтгүүр, вагон худалдан авах, терминалын байгууламжийг шинэчлэх, банкны өрийг барагдуулах зэрэгт зарцуулна.

​Төмөр замын барилгын ажил 2022 оноос эхэлж, одоогоор 227 км зам баригдаад байгаа юм. Энэхүү төсөл нь Монголын хэд хэдэн нүүрсний уурхайг Хятадын хилтэй холбох зорилготой.