НүүрАНАЛИЗМЭДЭЭЯРИЛЦЛАГАШАР МЭДЭЭВИДЕОФАКТЧЕКENGLISH中文РУССКИЙ

Холбоосууд

  • Редакцийн баримтлах зарчим
  • Холбоо барих
© 2025 Mono.mn. Зохиогчийн эрх хуулиар хамгаалагдсан. Сайт хөгжүүлэлт:Emerald Software LLC
Чингис хаан Англид: Дээлээрээ гоёод очоорой
МЭДЭЭ

Чингис хаан Англид: Дээлээрээ гоёод очоорой

2026 оны 6-р сарын 25
Mono.mn

Mono.mn

Мэдээний нийтлэгч

“Чингис хаан: Монголчууд дэлхийг өөрчилсөн нь” үзэсгэлэн Францаас буурь сэлгэж, Английн Лийдс (Leeds) хотноо заларчээ. Үзэсгэлэнгийн нээлт зургаадугаар сарын 26-ны өдөр буюу өнөөдөр нээлтээ хийж байна.

Энэхүү үзэсгэлэнд Монголын Үндэсний түүхийн музейн 250 гаруй нэн ховор үзмэрүүдийг анх удаа дэлгэн үзүүлнэ. Чингис хаан болон түүний залгамжлагчид дэлхийн хуурай газрын 22 хувийг хэрхэн удирдаж, анхны шуудангийн систем, цаасан мөнгө, шашны эрх чөлөөг бий болгосон түүхийг энэхүү үзэсгэлэн өгүүлдэг. Мөн Монгол хатдын нөлөөллийн тухай танилцуулах ажээ.

Английн Royal Armouries Museum, Лийдс хот (Leeds Dock, LS10 1LT)-д болох үзэсгэлэнд тус улсад ажиллаж, сурч, амьдардаг монголчуудыгаа үндэснийхээ хувцсаар гоён очиж үзэхийг урьж байна. Өвөг дээдэс, агуу түүхээрээ бахархахын зэрэгцээ үр хүүхдүүддээ тус үзэсгэлэнг үзүүлж, Монголчууд хэрхэн дэлхийг өөрчилсөн талаар мэдлэг олгохыг уриалъя. Чингис хаан, түүний залгамжлагчдыг зөвхөн зэрлэг догшин эзлэн түрэмгийлэгчид байсан гэх түүхийн хуудас шарлаж, харин дэлхийн дипломат харилцаа, худалдаа, соёлд томоохон өөрчлөлтийг бий болгосон хэмээх түүхийн шинэ сурвалжуудыг судлаачид дэлгэн үзүүлэх болсон нь олзуурхууштай.

Музей даваа гарагаас бусад өдөр 10-17 цаг хүртэл ажиллана. Үзэсгэлэн 15 хүртэлх насны хүүхдүүдэд үнэ төлбөргүй. Харин 16-аас дээш насныханд 9 фунт бол оюутан, хөгжлийн бэрхшээлтэй иргэд, өндөр настнуудад 7 фунт байх юм.

Үзэсгэлэнг Их Британийн Лийдс хот дахь Хааны зэвсгийн музей зохион байгуулж байгаа бөгөөд Монгол Улсын Соёл, спорт, аялал жуулчлал, залуучуудын яам болон Ерөнхийлөгчийн тамгын газар, Чингис хааны музей дэмжин хамтарч байна.

Сонирхуулахад, “Чингис хаан: Монголчууд дэлхийг өөрчилсөн нь” үзэсгэлэн Францын алдарт Historia сэтгүүлийн 2024 оны "Шилдэг үзэсгэлэн" шагналыг хүртэж байсан юм.

 
Mono.mn

Mono.mn

Мэдээний нийтлэгч

 
FacebookX.com

Сэтгэгдэл бичих

Хүндэтгэлтэй, соёлтой хэлж бичихийг хүсье. Сэтгэгдлийг нийтлэлийг уншигчид шууд харна.

Илгээснээс хойш таны сэтгэгдэл шууд нийтлэгдэнэ. Зөрчилтэй контент илэрвэл устгана.

Сэтгэгдлүүд (0)

Одоогоор сэтгэгдэл байхгүй байна. Та хамгийн түрүүнд сэтгэгдэл үлдээнэ үү.

Холбоотой мэдээ

М банк БНСУ-ын тэргүүлэгч дижитал банк болох КакаоБанктай хувьцаа эзэмших гэрээ байгууллаа

М банк БНСУ-ын тэргүүлэгч дижитал банк болох КакаоБанктай хувьцаа эзэмших гэрээ байгууллаа

БНСУ-ын тэргүүлэгч дижитал банк болох КакаоБанк М банкны хувьцаа эзэмших гэрээнд гарын үсэг зурлаа. Энэхүү хамтын ажиллагааны хүрээнд КакаоБанк М банкны хувьцааны 15 хувийг эзэмших бөгөөд энэ нь зөвхөн хоёр улсын хоорондох хамтын ажиллагаагаар хязгаарлагдахгүй Монгол Улсын банк, санхүүгийн салбарт олон улсын технологи, инновац, дэлхийн тэргүүлэгч банкны сайн туршлагыг нэвтрүүлж, дижитал банкны хөгжлийг дараагийн шатанд гаргах чухал алхам болж байна.

Nov 18, 2026

АПУ ХК Тогтвортой хөгжлийн зорилгоор 3 том бүтээн байгуулалтад шаардагдах санхүүжилтийн гэрээг ЕСБХБ-тай байгууллаа

АПУ ХК Тогтвортой хөгжлийн зорилгоор 3 том бүтээн байгуулалтад шаардагдах санхүүжилтийн гэрээг ЕСБХБ-тай байгууллаа

Монголбанкнаас төсвийн шинжтэй арга хэмжээг санхүүжүүлэхийг хуулиар хориглох эрх зүйн орчныг бүрдүүлнэ

Монголбанкнаас төсвийн шинжтэй арга хэмжээг санхүүжүүлэхийг хуулиар хориглох эрх зүйн орчныг бүрдүүлнэ

Эгийн голын усан цахилгаан станц төслийг байгаль орчинд сөрөг нөлөөгүй хэрэгжүүлэх боломжтой гэсэн урьдчилсан дүгнэлт гарчээ

Эгийн голын усан цахилгаан станц төслийг байгаль орчинд сөрөг нөлөөгүй хэрэгжүүлэх боломжтой гэсэн урьдчилсан дүгнэлт гарчээ