Ц.Элбэгдорж: Хүүхдүүд бүгд сайн байгаа, хэл амнаас хол байсан нь дээр

Сүүлийн өдрүүдэд олон нийтийн сүлжээнд Ерөнхийлөгч асан Ц.Элбэгдоржийн өргөж авсан хүүхдүүдтэй холбоотой аймшгийн зохиол, цуурхлыг зорилготойгоор сэвэх болсон. Тиймээс энэ асуудлаар Ерөнхийлөгч асан Ц.Элбэгдоржоос АН-ын гишүүн Ш.Оюунбат гурван асуултад хариулт авсныг хүргэе.

-Женко л гэнэ, Ганбат л гэнэ, Пүрэвсүрэн л гэнэ. Тиймээ, Эпштэйний файлууд гэгч цагаан дээр хараар бичсэн юмнууд дэлхий даяар мөнч их шуугиж байна. Манайд ч үнэн худал үл ойлгогдох талцал бий болсоор байна.   Та нэг дугарах болоогүй юу? Боломжтой бол их ажлынхаа дундуур хариулт өгнө үү хэмээн хүсч байна?

-Эпштейн нарын Монгол агент намайг "тэрслэгч" гэж бичсэнийг харсан. "ЖЭ"-ний муу үйлдэлд миний байр суурь маш тодорхой. Шүгэл үлээгч, хохирогчдын эрх ашгийг хамгаалах. Тэр муухай сүлжээний бүх баримтыг ил болгох. Хууль зөрчсөн хэнтэй ч бай хариуцлага тооцож, дахиж үл давтах.

-Таны хүүхдүүд, хүүхдүүд хаана, яаж амьдарч байна вэ? Тоо бүрэн, гэдэс цатгалан яваа юу?

-Хүүхдүүд бүгд сайн байгаа. Тэд ийм асуудалд ямар ч хамаагүй. Бүгд тусдаа ажил амьдралтай. Хэний ч  үрс адилхан, хэл амнаас хол байсан нь дээр. Арай дэндүү гүтгэх юм. Надаас зарим нь юунд ингэтлээ айдаг байнаа. Сэдвийн хомсдолд ороод сандрав уу!

-Та Эпштэйнтэй уулзаж байсан юм биш үү, яг хэдэн удаа уулзсан бэ? Хувийн уулзалт, яриа хийж байсан уу? Танд нуух юм байж болно л доо.

-Нуух юм юу ч байхгүй ээ. Хувийн зүйл ярихаас аль болох зайлсхийж явдаг. НҮБ-ын Ерөнхий Ассамблейн үеэр янз бүрийн хүрээнд олон арга хэмжээ, зоог, хүлээн авалт болно. Тэгэж л албаны хэдэн үг сольсноос өөрөөр нүүр тулаагүй.