УИХ-ын дарга Н.Учрал ОХУ-д нөгөөдөр айлчилна

УИХ 1992 онд, ОХУ-ын Төрийн Дум 1993 онд тус тус байгуулагдсан. Тоолбол нас чацуу парламентуудын харилцаа баялаг түүхтэй. Н.Багабанди, Р.Гончигдорж, С.Төмөр-Очир, Н.Энхбаяр, Ц.Нямдорж, Д.Дэмбэрэл, З.Энхболд, М.Энхболд, Г.Зандашатар гээд УИХ-ын дарга нар бүгд 1994 оноос эхлэн ОХУ-д айлчилж, олон улсын арга хэмжээнд оролцож ирсэн байдаг. ОХУ-ын Холбооны зөвлөл, Төрийн Думын дарга нар ч олонтаа айлчилж байлаа. Энэ өндөр дээд хэмжээний айлчлалын мөчлөг, давтамжийг тасалдуулахгүйн тулд УИХ-ын дарга Н.Учрал анхны гадаад айлчлалаа ОХУ-аас эхэлж байна.

УИХ-ын даргаар томилогдмогцоо Н.Учрал хамгийн түрүүнд АНУ-ын ЭС-ыг хүлээн авч уулзаж байв. Шадар сайдаар ажиллаж байхдаа “Монгол-Хятадын экспо”-г бүс нутгийн том яармаг болгож, Францтай ураны гэрээ хийж, АНУ-аас Starlink, Apple Pay-г оруулж ирж байсан. УИХ-ын даргын хувьд хийж буй анхны гадаад айлчлалаа ОХУ-аас эхэлж байгаа нь түүний гадаад харилцаан дахь хамгийн олон талтай, нетерал байр суурийг илэрхийлнэ.