Ромын Пап лам Лео удахгүй мэс засалд орно

Пап лам XIV Леод уушгины голомтот өөрчлөлт гэх онош илэрч, мэс засалд орохоор болсноо зарлажээ. Энэ нь маш эрт илэрсэн болохыг тэмдэглэв. Уг мэс засал ойрын өдрүүдэд Ром хотын Жемелли эмнэлэгт болно.

Vatican News (2026-10-11)

Пап лам XIV Лео ням гаригт Сахиусан тэнгэрийн залбиралд оролцохоор цугласан сүсэгтнүүдэд хандан, эмч нар уушгинд нь өөрчлөлт орсныг илрүүлсэн бөгөөд хэд хоногийн дараа хагалгаанд орох гэж байгаа гэжээ.

Тиймээс мэс засал хийлгэхийг зөвлөсөн тул эмч нарын зөвлөгөөг дагаж, ойрын өдрүүдэд хагалгаанд орохоор төлөвлөсөн гэдгээ Пап лам хэлжээ.

Ламтан сэтгэлийн дэмжлэг үзүүлж байгаад сүсэгтнүүдэд талархал илэрхийлж, өөрийгөө тэдний залбиралд даатгав.

Тэрбээр “Сүсэгтэн олон найз нар аа, саяхан надад хийсэн эмнэлгийн үзлэгийн үеэр эмч нар миний уушгинд голомтод өөрчлөлт байгааг илрүүллээ. Энэ нь эрт шатандаа илэрсэн өөрчлөлт. Тиймээс эмчилгээ авах нь хялбар болохыг ч хэлсэн. Эмч нар мэс засал хийх нь зүйтэй гэж үзэж байна. Тэдний зөвлөгөөг дагаж, мэс заслын хагалгаанд орохоор шийдлээ. Хагалгаа аль хэдийнэ товлогдсон байгаа. Та бүхний сэтгэлийн дэмжлэг үзүүлж байгаад талархаж, өөрийгөө та бүхний залбиралд даатгаж байна.”

Сэтгүүлчдийн асуултад Ариун ширээт ламын Хэвлэл мэдээллийн албаны дарга Маттео Бруни хариулахдаа "Уг хагалгаа энэ долоо хоногийн эхний өдрүүдэд товлогдсон. Мөн хагалгааны дараах нөхөн сэргээх хугацаа нь ойролцоогоор нэг долоо хоног байх болно" гэжээ.

Уг мэс ажилбар нь Ром хотын Агостино Жемеллийн нэрэмжит поликлиник эмнэлэгт явагдах юм байна.