Польш улс Коммунист намыг албан ёсоор хориглолоо

Польшийн Үндсэн хуулийн цэц Улсын Коммунист намын (Польшийн Бүгд Найрамдах Улсын Коммунист Нам) үйл ажиллагааг хориглох шийдвэр гаргав. Цэцийн тайлбарласнаар тус намын хөтөлбөр, үзэл суртал нь Үндсэн хууль зөрчиж байгаа аж.

Шүүх онцлохдоо “коммунизмын гэмт хэргийг магтан дэвшүүлдэг нам Польшийн хууль эрх зүйн системд орших зайгүй” хэмээн мэдэгдсэн байна.

Энэхүү шийдвэрийн дагуу 2002 оноос хойш үйл ажиллагаа явуулж ирсэн тухайн нам үндсэндээ тарж, татан буугдахаар болж байна.

Намыг татан буулгах санал, шалгалтын ажиллагаа хэдэн жилийн өмнөөс үргэлжилж байгаа. Ерөнхий прокурор уг асуудлыг анх 2020 онд хөндөж тавьсан юм.

Харин энэ оны 11-р сард Польшийн Ерөнхийлөгч Кароль Навроцки дахин Үндсэн хуулийн цэцэд хүсэлт гаргасан байна.

Хэдийгээр улс төрийн оролцоо нь бага, нөлөө сул байсан ч Польшийн Коммунист нам хэдэн зуунаас мянга орчим гишүүнтэй байсан гэж янз бүрийн тооцоонд дурджээ.

 Ш.ОЮУНБАТ