Испани 16-аас доош насныхныг нийгмийн сүлжээ ашиглахыг хориглох бодлого боловсруулж байна

Испанийн Засгийн газар 16-аас доош насныхныг нийгмийн сүлжээ ашиглахыг хориглох бодлого боловсруулж байгаа талаар Ерөнхий сайд Педро Санчес мэдэгдэв.

Тэрбээр “хүүхэд донтох, хүчирхийлэл, садар самуун, манипуляци” орчинд өртөж байгаа тул төр хамгаалалт хэрэгжүүлнэ гэв. Мөн Испани улс платформууд эзэмшигч компаниудад нас баталгаажуулах /зөвхөн тэмдэглэгээ биш, бодит хаалт хийх/ систем суурилуулахыг шаардахаар төлөвлөж байна. Энэхүү чиглэлээр Испани, Франц болон Европын дөрвөн улстай хамтран нийгмийн сүлжээний зохицуулалтыг уялдуулах “дижитал асуудлын сайн дурын эвсэл”-д нэгдэхээ мэдэгдэв.