Хятадын удирдагчийн тухай болон эрх мэдлийн талаарх ЦУУ ЯРИА

Ши Жиньпиний эрүүл мэндийн асуудал болон яаралтай хагалгааны тухай цуу яриа

Ши Жиньпин Энэтхэгт болсон БРИКС-ийн дээд хэмжээний уулзалтын үеэр бие нь гэнэт муудаж, ухаан алдсан нь Ерөнхий сайд Нарендра Модигийн анхаарлыг татсан. Гэвч тэрбээр эрүүл мэндийн нууцаа алдахаас эмээн, Энэтхэгийн талын санал болгосон яаралтай тусламжаас татгалзсан байна.

Дэлхий дахинд эрүүл мэндийн асуудлаа нуухын тулд хүчтэй эм тариа хэрэглэн, онгоцны шатаар өөрөө өгсөж суусаар Бээжин рүү яаралтай буцсан. Гэвч нислэгийн урт хугацаа болон хүчээр хийсэн эмчилгээ нь биеийн байдлыг нь улам дордуулжээ.

Бээжингийн нисэх онгоцны буудалд буумагц түүнийг цэргийн нисдэг тэргээр Бээжингийн 301-р төв эмнэлэгт хүргэж, яаралтай хагалгаанд оруулсан байна. Эмч нарын баг түүнийг тархины цус харвалт (ишемийн харвалт буюу TIA) өгсөн гэж оношилсон бөгөөд алтан хугацааг алдсаны улмаас одоо биеийн байдал нь маш хүнд, эрчимт эмчилгээний тасагт (ICU) хяналтад байгаа гэх таамаглал тархжээ.

Хятадын цэргийн хүчин болон дотоод фракцуудын тэмцэл

Баруун цэргийн тойргийн тэтгэвэрт гарсан зургаан генералын дэмжлэгтэйгээр, Жоу Юнканг болон Бо Силай нарыг суллаж, хамгаалалтад авсан гэх яриа гарсан.

Жан Юшя, Лю Жөнли нар өмнө нь Ху Жинтао, Вэн Жябао нарыг гэрийн хорионоос чөлөөлсөн боловч эргээд тэднээс шахалт амссан. Үүнд бухимдсан цэргийн дээд удирдлагуудыг Лю Юань нэгтгэн удирдаж эхэлсэн гэх таамаг байна.

Хятадын улс төр одоогоор гурван том бүлэглэлд хуваагдах ирмэгт ирээд байна.

-Дэн Сяопиний шинэчлэлийг дэмжигч (армийн голлох хүчийг хянаж буй) фракц.

-Ши Жиньпинийг дэмжигч консерватив фракц (цэргийн дэмжлэг сул).

-Бо Силай, Жоу Юнканг болон Баруун, Өмнөд цэргийн тойргийн хүчний эвсэл.

"Хуавэй" (Huawei) компани болон Рэн Жөнфэйгийн баривчилгаа

"Хуавэй" компанийн үүсгэн байгуулагч Рэн Жөнфэйг цэргийнхэн баривчилсан гэх мэдээлэл гарсан. Үүний шалтгаан нь АНУ-д үйлдвэрлэсэн чип болон тооцоолон бодох хүчин чадлыг ашигласнаас үүдэн, Хятадын армийн хиймэл оюун ухаан (AI) болон цэргийн олон тооны нууц баримтууд гадагшаа алдагдсантай холбоотой гэжээ.

Рэн Жөнфэй нь Ши Жиньпиний талын хүн бөгөөд түүнийг баривчилсан нь Ши Жиньпиний фракцын эсрэг хийж буй цэргийнхний шууд дайралт гэж тайлбарлаж байна.

Гэрийн хорио болон аюулгүй байдлын хяналт алдагдсан нь

Ши Жиньпинийг Бээжинд ганцааранг нь нисдэг тэргээр авч явж, ердийн хамгаалалтын албыг нь тараасан нь түүнийг гэрийн хорионд орсны баталгаа гэж үзэж байна.

Нийгмийг аюулаас хамгаалах яамны сайд Ван Сяохун баривчлагдсан, Цай Ци Төв хамгаалалтын товчоог хянах эрх мэдэлгүй болсон гэх зэргээр Бээжин дэх эрх мэдлийн хяналт бүрэн алдагдсан гэж цуу ярианд дурджээ.