Ерөнхий сайд Н.Учрал “де факто” Х.Нямбаатарыг огцруулсан

Засгийн газар өнөөдөр /2026.05.18/ ээлжит бусаар хуралдаж, махны үнийн өсөлт, нөөцийн махтай холбоотой шийдвэр гаргахаар болсон байна. Ерөнхий сайд Н.Учрал өнгөрсөн амралтын өдөр “Хүчит шонхор” зах дээр ажиллаж, махны нийлүүлэлт, үнийн талаар худалдаа эрхлэгчид, иргэдтэй уулзсан. Тэрбээр, төрөөс дэмжлэг үзүүлээд ч болов махны үнийг тогтворжуулна. Нөөцийн мах бэлтгэсэн гэрээт компаниудыг хууль хяналтын байгууллагад шалгуулна гэсний дагуу өнөөдөр Засгийн газрын ээлжит бус хуралдааныг зарлажээ.

Харин Нийслэлийн Засаг дарга Х.Нямбаатарыг огцруулах, чөлөөлөх асуудал нь Ерөнхий сайдын бүрэн эрх учраас Засгийн газрын хуралдаанаар хэлэлцэх шаардлагагүй юм. Монгол Улсын Засаг захиргаа нутаг дэвсгэрийн нэгж, түүний удирдлагын тухай хуульд зааснаар Ерөнхий сайд Н.Учрал өөрийн бүрэн эрхийн хүрээнд Нийслэлийн Засаг дарга Х.Нямбаатарыг огцруулахаа мэдэгдсэн учраас захирамжинд гарын үсэг зураад, албан ёсоор НИТХ-д хүргүүлэх юм.

Нийслэлийн Засаг дарга Х.Нямбаатарын хувьд “де факто” огцорсон гэсэн үг.