“Эрдэнэс Тавантолгой” анх удаа БНХАУ-ын зах зээлийн гүнд нүүрс борлууллаа

"Эрдэнэс Тавантолгой" ХК 2025 оны аравдугаар сарын 6-ны өдөр Монголын Хөрөнгийн биржээр дамжуулан 6,4 мянган тонн баяжуулсан коксжих нүүрсийг анх удаа БНХАУ-ын Цао Фейдянь боомт хүргэж өгөх нөхцөлөөр амжилттай арилжааллаа.

Монгол Улс өмнө нь Гашуунсухайт-Ганц мод, Ханги, Шивээхүрэн боомтоор нүүрсээ экспортолж байсан бол энэ удаа экспортын шинэ гарц нээж, БНХАУ-ын зах зээлийн гүнд байрладаг Цао фейдянь боомт руу хүргэж өгөх нөхцөлтэй арилжааг эхлүүллээ. Ингэснээр гуравдагч орны зах зээлд нүүрс борлуулах боломжтой болж байна.

Цао Фэйдянь боомт нь БНХАУ-ын Хэбэй мужийн Таншань хотод байрладаг, Бээжин хотоос 220 км, Тяньжин хотоос зүүн хойд зүгт 120 км-т оршдог бөгөөд Бохайн Эдийн засгийн чөлөөт бүст багтдаг гэдгээрээ онцлогтой. Хятадын хойд болон баруун хойд бүсүүдийг Номхон далайгаар дэлхийн 70 улсын 110 гаруй боомттой холбодог чухал гарц юм.

Тус боомтод нүүрсэн бүтээгдэхүүнээ хүргэж өгснөөр Монголын нүүрсний хэрэглэгчийн цар хүрээг нэмэгдүүлэх, зах зээлийг тэлэх, эцсийн хэрэглэгчдэд ойртох чухал ач холбогдолтой юм.

БНХАУ-ын Цао Фейдянь боомт хүргэж өгөх нөхцөлтэй анхны арилжаанд 4 оролцогч оролцож нэг тонн нүүрсийг 165.6 ам.доллароор худалдан авч, нийт 1.1 сая ам.долларын үнэлгээ бүхий 6.4 мянган тонн нүүрсийг амжилттай арилжааллаа.

Эх сурвалж: ЭТТ