“Энержи Ресурс” 21 жил: Уурхайчдынхаа нийгмийн баталгааг бүрдүүлэв

Өмнөговь аймгийн Цогтцэций сум, Ухаа худаг уурхайгаас эхлэлтэй “Энержи Ресурс” компанийн түүхт 21 жилийн ой өнөөдөр тохиож байна. Тус компани ойн баярынхаа босгон дээр ажилтнуудынхаа амьдрах орчин, нийгмийн баталгааг хангах чиглэлд томоохон хөрөнгө оруулалт хийж, ээлжит үр дүнгээ танилцууллаа.

Тогтвортой хөгжил – Гэр бүлийн баталгаа

Компанийн зүгээс ажилтнуудаа тогтвор суурьшилтай, сэтгэл амгалан ажиллах нөхцөлийг бүрдүүлэх зорилгоор "Тогтвортой ажиллах гэрээ"-ний үндсэн дээр орон сууцны хөтөлбөрийг амжилттай хэрэгжүүлж ирсэн.

Шинэ суурьшил: 2025 онд нийт 166 айлын орон сууцанд ажилтнуудаа хамруулж, амьдрах таатай орчныг нь бүрдүүлжээ.

Өмчлөх эрх: Хөтөлбөрийн хүрээнд өөрийн ур чадвар, зүтгэлээ зориулан ажиллаж буй 36 ажилтанд орон сууцны өмчлөх эрхийг албан ёсоор шилжүүлэн өгсөн байна.

“Энержи Ресурс” компани зөвхөн олборлолт, үйлдвэрлэл бус, хүний нөөцийн бодлогоороо салбартаа тэргүүлэгч байхыг эрмэлздэг. Өнөөдрийн байдлаар тус компани 800 гаруй ажилтнаа орчин үеийн шийдэл бүхий тохилог орон сууцаар хангаад байна.

Энэ нь уул уурхайн салбарт ажиллаж буй залуу боловсон хүчин, мэргэжлийн инженерүүд хөдөө орон нутагт, уурхайн дэргэдээ гэр бүлийн хамт ая тухтай амьдрах бодит боломжийг бүрдүүлж буй хэрэг юм.

Ухаа худагт өрнөж буй бүтээн байгуулалт нь зөвхөн нүүрсний экспортоор хязгаарлагдахгүй, Монгол хүний амьдралын чанарыг дээшлүүлэх, орон нутагт хотжилтын соёлыг түгээхэд томоохон хувь нэмэр оруулсаар байна. 21 жилийн түүхт ойн баярын мэнд хүргэе!