Уул уурхайн биржээр оны эхний хагаст 17.70 сая тонн бүтээгдэхүүн арилжааллаа

2026 оны эхний хагас жилийн байдлаар Монголын хөрөнгийн биржийн уул уурхайн биржээр нийт 515 удаагийн цахим дуудлага арилжаа зохион байгуулагдсанаас 441 арилжааны хэлцэл амжилттай хийгдэж, нийт 17.70 сая тонн уул уурхайн бүтээгдэхүүнийг 5.90 их наяд төгрөгөөр арилжааллаа.

Нүүрсний арилжаа

Нийт 319 удаагийн нүүрсний дуудлага арилжаа амжилттай хэлцэл хийгдэж, 14.60 сая тонн нүүрсийг 4.80 их наяд төгрөгөөр арилжсан байна. Дуудлага худалдаагаар арилжсан нүүрсний үнийн өсөлтийн дундаж 9.51 % байгаа бөгөөд худалдагч компаниуд уг үнийн өсөлтөөс нийт 403.42 тэрбум төгрөгийн нэмэлт орлого олсон байна.

Төмрийн хүдэр, баяжмалын арилжаа

Нийт 117 удаагийн төмрийн хүдэр, баяжмалын дуудлага арилжаа амжилттай хэлцэл хийгдэж, 3.05 сая тонн төмрийн хүдэр, баяжмалыг 688.93 тэрбум төгрөгөөр арилжсан байна. Дуудлага худалдаагаар арилжсан төмрийн хүдэр, баяжмалын үнийн өсөлтийн дундаж 3.85 % байсан бөгөөд үнийн өсөлтийн үр дүнд худалдагч компаниуд нийт 13.11 тэрбум төгрөгийн нэмэлт орлого олсон байна.

Зэсийн баяжмалын арилжаа

Нийт 5 удаагийн зэсийн баяжмалын арилжаа амжилттай хэлцэл хийгдэж, 40.0 мянган тонн зэсийн баяжмалыг 409.55 тэрбум төгрөгөөр арилжсан байна. Дуудлага худалдаагаар арилжсан зэсийн баяжмалын үнэ дунджаар 1.77 % -иар өссөн бөгөөд үүний үр дүнд худалдагч компани 7.13 тэрбум төгрөгийн нэмэлт орлого олсон байна.

Эх сурвалж: Монголын хөрөнгийн бирж