Тансаг зэрэглэлийн брэндүүд морь жилтэй “дөрөө харшуулав”

Загварын ертөнцөд морь болон морины эдлэл хэрэглэлийн бэлгэдэл эртнээс чухал байр суурь эзэлж ирсэн. Gucci, Loro Piana, Versace, Dior, Celine болон Stella McCartney зэрэг брэндийн цуглуулгад энэхүү дүрслэл тогтмол ашиглагддаг. Дорнын зурхайгаар 2026 онд морь жил гарч байгаатай холбоотойгоор загварын салбарынхны “моринд дурлах” сонирхол нь тайзнаа ахин амилж байна.

"МОРЬ"–ТОЙ ХОЛБООТОЙ БРЭНДҮҮД:

Gucci: Тус брэндийн нэрийн хуудас нь олонд танигдсан "Horsebit" (амгай) хэлбэртэй чимэглэл.  Үүсгэн байгуулагч Гуччи морин спортоор хичээллэдэг язгууртнуудын хэв маягаас загвартаа ихэд санаа авдаг байжээ.

Stella McCartney: Стелла өөрөө моринд маш их хайртай. 2026 оны намрын цуглуулгаа бүхэлд нь "Year of the Horse" (Морин жил) хэмээн нэрлэж, морин спортын элементүүдийг шингээж байгальд ээлтэй эдлэлээр хийсэн (амьтны арьс орлуулагч) бүтээгдэхүүн гаргаж байна.

Loro Piana: Тансаг зэрэглэлийн ноолууран бүтээгдэхүүнээрээ алдартай энэ брэнд морин спортын уралдааныг олон жил ивээн тэтгэж, унаачдад зориулсан тусгай цуглуулгууд гаргадаг.

Dior & Celine: Эдгээр брэнд морь унахад өмсдөг уламжлалт хэв маягийг (riding boots, structured jackets) орчин үеийн эмэгтэйлэг загвартай хослуулдгаараа онцлогтой.