С.Баярцогт Эйпштейнтэй холбоотой юу?

Сүүлийн өдрүүдэд нийгмийн сүлжээнд “С.Баярцогт Эпштейнтэй холбоотой” гэдэг ойлголт тараах оролдлого гаарлаа. Олонх нь “хүний мууд дурлаж” байгаа бол зарим нь шууд буруутгаж харагдана. Яагаад гэвэл Ж.Эйпштейн бага насны хүүхдийг бэлгийн мөлжлөгөд ашигласан нь олон баримтаар тогтоогдож шуугиан тарьсан жигшүүрт талийгаач. Ингээд дэлхий даяар “Эйпштейнтэй уулзсан л бол…” гэдэг ойлголт тогтоод удаж байна. Гэхдээ юу үнэн бэ гэдгийг энгийнээр тайлбарлая.

Жеффри Эйпштейн гэж хэн бэ?

Жеффри Эйпштейн бол Америкийн баян бизнесмэн байсан хүн. Залуу охид, хүүхдүүдийг бэлгийн мөлжлөгт хамруулсан, маш ноцтой гэмт хэрэгт холбогдон хоригдож байхдаа 2019 онд шоронд нас барсан. Түүний “нууц сүлжээ”-нд олон улстөрч, баячууд, алдартнууд холбогдсон гэж яригдаж ирсэн. 2025-2026 онд АНУ-ын шүүх түүнд холбогдох олон мянган баримт бичиг, имэйл, зураг, нислэгийн бүртгэлийг ил болгосон юм. Эндээс Монголтой холбоотой зарим мэдээлэл гарсан учраас манайд ч ид яригдаж байна. С.Баярцогтын нэр гарсан уу гэвэл “Үгүй”. Эйпштейний ил болсон олон сая хуудас материалд С.Баярцогтын нэр огт гараагүй. Одоогоор и-мэйл солилцсон, уулзсан, хамт ниссэн, хаягийн дэвтэрт нэр нь байгаагүй.

Яагаад хүмүүс холбож ярьж байна вэ?

Гол шалтгаан нь Оюутолгойн гэрээ. С.Баярцогт 2009 онд Сангийн сайдаар ажиллаж байхдаа Оюутолгойн гэрээг байгуулахад гол үүрэг гүйцэтгэсэн. Тухайн ажилд Рио Тинто компанитай холбоотой олон хүн, зөвлөх оролцсон нь гарцаагүй. Эйпштейний файлуудад Рио Тинто, Оюутолгойн асуудал заримдаа гардаг. Бас Ц.Элбэгдоржтой нэг нам, нэг бүлэгт байсан учраас хүмүүс “Баярцогт ч бас холбоотой байж магадгүй” гэж таамаглаж таарна. Гэхдээ таамаглал бол баримт биш.

Жинхэнэ баримт юу вэ?

Эйпштейний файлуудад Монголтой холбоотойгоор голдуу Ц.Элбэгдорж, Л.Пүрэвсүрэн нарын нэр гарч байна. Тэд 2013 оны есдүгээр сард Нью-Йоркт Эйпштейнтэй нүүр тулан уулзсан зураг, и-мэйлүүд бий. Тэр уулзалтад Израилийн Ерөнхий сайд асан Эхуд Барак ч оролцсон гэдэг. Гэхдээ энэ уулзалтад С.Баярцогт оролцоогүй.

Дүгнэлт

Одоогоор (2026 оны тавдугаар сарын байдлаар) С.Баярцогт Жеффри Эйпштейнтэй шууд холбоотой гэх ямар ч баримт байхгүй байна. Түүнийг холбож ярьж байгаа нь голдуу улс төрийн өрсөлдөөн, таамаглал, генсекийг жинхлэх гэдэг логикоос үүдэлтэй байгаа юм. Мэдээж хэрэг шинээр баримт гарч мэднэ. Гэхдээ одоо байгаа мэдээллээр бол “С.Баярцогт Эйпштейнтэй уулзсан”, “холбоотой” гэх яриа батлагдсан баримтгүй, таамаглал бас хардлага л байна. Улс төрийн сэдвээр ярихдаа баримтаа сайн шалгаж, таамаглал болон хардлагаас болгоомжлох хэрэгтэй. Ялангуяа сонгуулийн үеэр иймэрхүү яриа их гардаг.